ರಾಶಿ ಭವಿಷ್ಯ

Home ರಾಶಿ ಭವಿಷ್ಯ

ದಿನಾಂಕ : 02.05.2021 ರಿಂದ 08.05.2021

ಜಯತೀರ್ಥಾಚಾರ್ ವಡೇರ್, ದಾವಣಗೆರೆ. 

ಮೇಷ (ಅಶ್ವಿನಿ, ಭರಣಿ, ಕೃತ್ತಿಕಾ)
(ಚೂ.ಚೇ.ಚೋ.ಲ.ಲಿ.ಉ.ಲೇ.ಲೊ.ಅ.)

ಮತ್ತೊಬ್ಬರೊಂದಿಗೆ ವ್ಯವಹರಿಸುವಾಗ ಬಹಳ ಎಚ್ಚರದಿಂದಿರುವುದು ಮೇಲು. ಹೆಚ್ಚು ಬಂಡವಾಳವನ್ನು ಬೇಡುವ  ಹೊಸ ಯೋಜನೆಗಳನ್ನು ಕೆಲಕಾಲ ಮುಂದೂಡುವುದು ಉತ್ತಮ. ವಿದ್ಯಾರ್ಥಿಗಳ ಪರಿಶ್ರಮಕ್ಕೆ ತಕ್ಕಂತೆ ಫಲಿತಾಂಶ ಬರಲಿದೆ. ಸಂಘ-ಸಂಸ್ಥೆಗಳವರು ದೇಣಿಗೆ ಬರುವರು. ಕೌಟುಂಬಿಕ ಸಾಮರಸ್ಯವನ್ನು ಸಾಧಿಸಲು ಹರಸಾಹಸ ಪಡುವಿರಿ. ವಿದೇಶಿ ವ್ಯವಹಾರಗಳ ಕಡೆ ಹೆಚ್ಚಿನ ಗಮನವಿಡಿ. ಹಿರಿಯರ ಮಾತನ್ನು ಗೌರವಿ ಸುವುದನ್ನು ಕಲಿಯಿರಿ.ಆರೋಗ್ಯದ ವಿಷಯದಲ್ಲಿ ಉದಾಸೀನತೆ ಬೇಡ. ಬರಬೇಕಾಗಿರುವ ಬಾಕಿ ಹಣ ನಿಮ್ಮ ಕೈಸೇರಲಿದೆ. ಭಾನು -ಸೋಮ -ಮಂಗಳ – ಶುಭ ದಿನಗಳು.


ವೃಷಭ (ಕೃತ್ತಿಕಾ, 2,3,4, ರೋಹಿಣಿ, ಮೃಗ 1,2)
(ಇ.ಉ.ಎ.ಒ.ವ.ವಿ.ವು.ವೆ.ವೋ)

ಮಹಿಳಾ ಕೈಗಾರಿಕೋದ್ಯಮಿಗಳು ತಮ್ಮ ವಲಯಗಳಲ್ಲಿ ಹೆಚ್ಚಿನ ಪ್ರಭಾವ ಬೀರುವರು. ಅಪರೂಪಕ್ಕೆ ಆಗಮಿಸುವ ಆತ್ಮೀಯರಿಂದಾಗಿ ಮನೆಯಲ್ಲಿ ಹಬ್ಭದ ವಾತಾವರಣ ಮೂಡಲಿದೆ. ಸಾಮಾಜಿಕ ಮನ್ನಣೆ, ಗೌರವ, ಪ್ರತಿಷ್ಠೆ, ಹೆಚ್ಚಲಿದೆ. ಭೂ ಸಂಬಂಧಿ ವ್ಯವಹಾರದಲ್ಲಿ ಸ್ವಲ್ಪ ತೊಡಕುಂಟಾಗಲಿದೆ. ಚಿಕ್ಕಮಕ್ಕಳ ಆರೋಗ್ಯವನ್ನು ಯಾವುದೇ ಕಾರಣಕ್ಕೂ ಅಲಕ್ಷಿಸಬೇಡಿ. ಆದಾಯದ ಮೂಲದಲ್ಲಿ ತುಸು ಕಡಿಮೆಯಾಗಲಿದೆ. ಗೆಳೆಯನ ಕುಟುಂಬದ ಸಮಸ್ಯೆಯೊಂದು ನಿಮ್ಮಿಂದ ಬಗೆಹರಿಯಲಿದೆ.ಸಾಧ್ಯವಾದಷ್ಟು ಗುರುಜಪ, ಗುರು ಚರಿತ್ರೆ ಪಾರಾಯಣ ಮಾಡಿ. ಗೋ ಸೇವೆಯಿಂದ ವಿಶೇಷ  ಪುಣ್ಯ ಲಭಿಸುವುದು. ಸೋಮ -ಬುಧ -ಶುಕ್ರ -ಶುಭ ದಿನಗಳು.


ಮಿಥುನ (3,4, ಆರಿದ್ರಾ, ಪುನರ್ವಸು 1,2,3)
(ಕ.ಕಿ.ಕು.ಘ, ಔ, ಚ.ಕೆ.ಕೋ.ಹ.)

ಮಕ್ಕಳು ವಿದ್ಯಾಭ್ಯಾಸದಲ್ಲಿ ತೋರುವ ಅಲಕ್ಷೆ ನಿಮ್ಮನ್ನು ಆತಂಕಕ್ಕೀಡು ಮಾಡಲಿದೆ. ಅವರನ್ನು ಸರಿದಾರಿಗೆ ತರಲು ಹರಸಾಹಸಪಡಬೇಕಾದೀತು. ಕೆಲಸ ಕಾರ್ಯ ಗಳಲ್ಲಿ ಕಂಡುಬರುವ ದ್ವಂದ್ವಗಳಿಂದ ಹೊರಬರಲು, ದೃಢ ನಿರ್ಧಾರಗಳಿಂದ ಮಾತ್ರ ಸಾಧ್ಯ. ಕೋರ್ಟು-ಕಛೇರಿ ವ್ಯಾಜ್ಯಗಳನ್ನು ನ್ಯಾಯಾಲಯದ ಹೊರಗೆ, ರಾಜೀ ಪಂಚಾಯ್ತಿ ಮೂಲಕ ಬಗೆಹರಿಸಿಕೊಳ್ಳುವುದು ಉತ್ತಮ. ಆದಾಯದ ಮೂಲದಲ್ಲಿ ಕೊರತೆ ಕಂಡು ಬಂದರೂ ಚಿಂತೆಬೇಡ. ಮಹಿಳೆಯರಿಗೆ ತವರುಮನೆಯಿಂದ  ನೆರವು ದೊರೆಯಲಿದೆ. ಮದುವೆ ಮಾತುಕತೆ ಕಾರಣಾಂತರಗಳಿಂದ ಮುಂದೆ ಹೋಗಬಹುದು. ಹಿರಿಯರ ಅನುಭವಯುಕ್ತ ಮಾತುಗಳು ಮುಂದೆ ನಿಮಗೆ ಪ್ರಯೋಜನವಾಗಲಿವೆ. ಸೂರ್ಯೋ ಪಾಸನೆ ಮಾಡುವುದು ಉತ್ತಮ. ಬುಧ-ಗುರು-ಶುಕ್ರ -ಶುಭ ದಿನಗಳು.


ಕರ್ಕಾಟಕ (ಪುನ 4, ಪುಷ್ಯ, ಆಶ್ಲೇಷ)
(ಹಿ.ಹು.ಹೆ.ಹೂ.ಡ.ಡಿ.ಡು.ಡೆ.ಡೋ)

ಬರಬಹುದಾದ ಹಣವನ್ನು ನೆಚ್ಚಿಕೊಂಡು ಹೊಸ ಯೋಜನೆಗಳನ್ನು ಹಮ್ಮಿಕೊಳ್ಳುವುದಕ್ಕಿಂತ, ಅದು ಕೈಸೇರಿದ ಮೇಲೆ, ಆರಂಭಿಸುವುದು ಉತ್ತಮ. ಇದರ ಪ್ರಯೋಜನ ಮುಂದೆ ನಿಮಗೆ ಕಾಣಲಿದೆ. ನಿರುದ್ಯೋಗಿಗಳು ಸದ್ಯದ ಮಟ್ಟಿಗೆ ಸಿಕ್ಕ ಕೆಲಸಕ್ಕೆ ಹೋಗುವುದು ಲೇಸು. ಅಲ್ಪವೇತನವಾದರೂ ಉತ್ತಮ ಅನುಭವ ದೊರೆಯಲಿದೆ. ಶೀತಬಾಧೆ ಸತತ ನಿಮ್ಮನ್ನು ಬಾಧಿಸಬಹುದು. ಅತಿಯಾದ ಪರಾವಲಂಬನೆ ಅಷ್ಟು ಒಳ್ಳೇದಲ್ಲ. ಬಂಧುಗಳೊಂದಿಗೆ ಕಟ್ಟಿಕೊಳ್ಳುವ ದ್ವೇಷ ಭವಿಷ್ಯದ ದೃಷ್ಟಿಯಿಂದ  ನಿಮಗೇ ಮಾರಕವಾಗಲಿದೆ. ವ್ಯವಹಾರದಲ್ಲಿ ಸಾಧ್ಯವಾದಷ್ಟು ರಕ್ಷಣಾತ್ಮಕವಾಗಿರುವುದು ಲೇಸು. ಹಣವು ಪೋಲಾಗದಂತೆ ಎಚ್ಚರ ವಹಿಸಿ. ಸೋಮ -ಬುಧ -ಗುರು -ಶುಭ ದಿನಗಳು.


ಸಿಂಹ ( ಮಘ, ಪುಬ್ಬ, ಉತ್ತರ 1)
(ಮ.ಮಿ.ಮು.ಮೋ.ವೆ.ಟ.ಟಿ.ಟು.ಟೆ)

ಬೇರೆಯವರ ಬಗ್ಗೆ ಪಿತೂರಿ ಮಾಡಲು ಹೋಗಿ ನೀವೇ ತೊಂದರೆಗೆ ಸಿಲುಕಬಹುದು. ಹಿತಶತ್ರುಗಳಿಂದ ಸಾಧ್ಯವಾದಷ್ಟು ಅಂತರ ಕಾಪಾಡಿಕೊಳ್ಳಿ. ಹೊಸ ಯೋಜನೆಗಳಿಗೆ ಆರ್ಥಿಕ ಸಂಪನ್ಮೂಲವನ್ನು ಕಂಡುಕೊಳ್ಳುವಿರಿ. ಅವಿವಾಹಿತರಿಗೆ ಕಂಕಣಭಾಗ್ಯ ಇಷ್ಟರಲ್ಲೇ ಕೂಡಿಬರಲಿದೆ. ಸ್ನೇಹಿತರು ಕೊಡಬಹುದಾದ ಸಲಹೆಗಳ ಫಲಾನುಭವಿಗಳು ನೀವಾಗುವಿರಿ. ವ್ಯಾಪಾರದಲ್ಲಿ ತುಸು ನಷ್ಟವಾದರೂ ಚಿಂತೆಬೇಡ. ಆದಾಯಕ್ಕೆ ತಕ್ಕಂತೆ ಖರ್ಚು – ವೆಚ್ಚಗಳನ್ನು ರೂಢಿಸಿಕೊಳ್ಳುವುದು ಉತ್ತಮ. ಬೇರೆಯವರ ಸಾಲಸೋಲಗಳಿಗೆ ಜಾಮೀನಾಗಲು ಹೋಗಬೇಡಿ. ಕ್ರೀಡಾಪಟುಗಳಿಗೆ ಉತ್ತಮ ಅವಕಾಶಗಳು ಸಿಗಲಿವೆ. ಭಾನು -ಮಂಗಳ- ಬುಧ -ಶುಭ ದಿನಗಳು.


ಕನ್ಯಾ (ಉತ್ತರಾ 2,3,4, ಹಸ್ತಾ, ಚಿತ್ತಾ 1,2)
(ಟೋ.ಪ.ಪಿ.ಪು.ಷ.ಣ.ಠ.ಪೆ.ಪೋ)

ನೀವು ಶಾಸ್ತ್ರ ಪಂಡಿತರಾಗಿದ್ದಲ್ಲಿ, ಅನೇಕ ವಾಕ್ಯಾರ್ಥಗೋಷ್ಠಿಗಳಲ್ಲಿ ಭಾಗವಹಿಸಿ ಉತ್ತಮ ಪ್ರಬಂಧಗಳನ್ನು ಮಂಡಿಸಿ, ಸನ್ಮಾನಗಳನ್ನು ಪಡೆಯುವಿರಿ. ವಿದ್ಯಾರ್ಥಿಗಳು ಉತ್ತಮ ಫಲಿತಾಂಶ ಪಡೆದು, ಪೋಷಕರ ಹಾಗೂ ಬಂಧುಗಳ ಮೆಚ್ಚುಗೆ ಪಡೆಯುವರು. ನಂಜುಗುಳುವ ನಾಲಿಗೆಯಿಂದಾಗಿ ಸಂಬಂಧಗಳಿಗೆ ಧಕ್ಕೆ ಬರಬಹುದು. ಖರ್ಚು -ವೆಚ್ಚಗಳಿಗೆ ತಕ್ಕಷ್ಟು ಆದಾಯವಿರುವುದರಿಂದ, ಉಳಿತಾಯ ಕಷ್ಟವಾಗಬಹುದು.ಸೋದರನು ಉದ್ಯೋಗ ಬದಲಾವಣೆಗೆ ಯತ್ನಿಸುವನು. ಉತ್ತಮ ಸಂಗೀತಗಾರರು, ಕಾಣದ ಕೈಯೊಂದರ ಒಳಸಂಚಿನಿಂದಾಗಿ, ಅವಕಾಶವಂಚಿತರಾಗುವರು. ಹಳೇ ರೋಗಗಳು ಮತ್ತೆ ಮರಕಳಿಸದಂತೆ ಎಚ್ಚರ ವಹಿಸಿ. ಮತ್ತೊಬ್ಬರನ್ನು ಮೆಚ್ಚಿಸುವ ಸಾಹಸಮಾಡಲು ಹೋಗಬೇಡಿ. ಮಂಗಳ -ಬುಧ -ಶುಕ್ರ -ಶುಭ ದಿನಗಳು.


ತುಲಾ (ಚಿತ್ತಾ 3,4, ಸ್ವಾತಿ, ವಿಶಾಖ 1,2,3)
(ರ.ರಿ.ರು.ರೆ.ರೊ.ತ.ತಿ.ತು.ತೆ.)

ಕೆಲಸ ಮಾಡುವ ಸ್ಥಳಗಳಲ್ಲಿ ಕೈ-ಬಾಯಿಗಳನ್ನು ಶುದ್ಧವಾಗಿಟ್ಟುಕೊಳ್ಳುವುದ ರಿಂದ ಯಜಮಾನನ ಮೆಚ್ಚುಗೆ ಪಡೆಯುವರು. ಈ ಪ್ರಾಮಾಣಿಕತೆ  ಮುಂದೆ ಉತ್ತಮ ಜೀವನಕ್ಕೆ ದಾರಿಯಾಗಲಿದೆ. ಶುದ್ಧ ಚಾರಿತ್ರ್ಯವನ್ನು ಕಾಪಾಡಿಕೊಳ್ಳುವುದರ ಕಡೆ ಹೆಚ್ಚಿನ ಗಮನ ಕೊಡುವುದು ಉತ್ತಮ. ಮಕ್ಕಳ ಭವಿಷ್ಯದ ಬಗ್ಗೆ ಚಿಂತಿಸಲು ಇದು ಸರಿ ಯಾದ ಸಮಯ. ಚಾಡಿಮಾತು ನಿಮಗೇ ತಿರುಗುಬಾಣವಾದೀತು. ಬದುಕು ಸಾಗಿ ಸುವಷ್ಟು ಸಂಪಾದನೆಯಾಗುವುದರಿಂದ ಚಿಂತೆಬೇಡ. ಸಾಧ್ಯವಾಷ್ಟು ಗುರು-ಹಿರಿಯರ ಸೇವೆ ಮಾಡುವುದು ಲೇಸು. ಗಣೇಶನನ್ನು ದರ್ಜೆಯಿಂದ ಪೂಜೆ ಮಾಡಿರಿ. ನಿರುದ್ಯೋಗಿ ಗಳಿಗೆ ಉದ್ಯೋಗದ ಭರವಸೆ  ಸಿಗಲಿದೆ. ಸೋಮ -ಬುಧ -ಶುಕ್ರ – ಶುಭ ದಿನಗಳು.


ವೃಶ್ಚಿಕ (ವಿಶಾಖ 4, ಅನೂ, ಜೇಷ್ಠ)
(ತೊ.ನ.ನಿ.ನು.ನೆ.ನೋ.ಯ.ಯು.)

ಸ್ವಂತ ಉದ್ಯಮವನ್ನು ಬಹಳ ಉತ್ಸಾದಿಂದ ಆರಂಭಿಸಿದ್ದ ನಿಮಗೆ, ಅನೇಕ ತೊಡಕುಗಳು ಎದುರಾಗಲಿದ್ದು, ನಿಮ್ಮ ತಾಳ್ಮೆ, ಉತ್ಸಾಹ, ಧೈರ್ಯವನ್ನು ಪರೀಕ್ಷಿಸಲಿದೆ. ಅನಾವಶ್ಯಕ ಓಡಾಟ, ಆರೋಗ್ಯದ ಮೇಲೆ ಅಡ್ಡಪರಿಣಾಮ ಬೀರಬಹುದು. ಮನೆಯಲ್ಲಿ ಹಿರಿಯರ ಅಸಹಕಾರ ನಿಮ್ಮನ್ನು ವಿಚಲಿತರನ್ನಾಗಿಸಬಹುದು. ಆಸ್ತಿ ಖರೀದಿಯಂತಹ ವಿಚಾರಗಳನ್ನು ಕೆಲಕಾಲ ಮುಂದೂಡುವುದು ಉತ್ತಮ. ಹಣದ ಹರಿವು ಸಾಧಾರಣವಾಗಿರುವುದರಿಂದ, ಅಗತ್ಯಗಳಿಗೆ ತಕ್ಕಂತೆ ಖರ್ಚು ಮಾಡುವುದನ್ನು ರೂಢಿಸಿಕೊಳ್ಳಿ. ಸಾಧ್ಯವಾದಷ್ಟು ಗುರು ಚರಿತ್ರೆ, ವಿಷ್ಣು ಸಹಸ್ರನಾಮ ಪಠಿಸುವುದು ಉತ್ತಮ. ಭಾನು -ಮಂಗಳ -ಗುರು- ಶುಭ ದಿನಗಳು. 


ಧನಸ್ಸು (ಮೂಲ, ಪೂರ್ವಾಷಾಡ, ಉತ್ತರಾಷಾಡ)

(ಯೆ.ಯೋ. ಬ.ಬಿ.ಬು.ಧ.ಫ.ಡ.ಬೆ.)

ಈ ಹಿಂದೆ ಸಾಲಕೊಟ್ಟವರು ನಿಮ್ಮ ಕಿಬ್ಬದಿಯ ಕೀಲಿ ಮುರಿಯಲು ಬರುವ ಮೊದಲೇ, ಅದನ್ನು ತೀರಿಸಲು ಒಂದು ವ್ಯವಸ್ಥೆ ಮಾಡುವುದು ಲೇಸು. ತುಸು ಕಾಲಾವಕಾಶ ದೊರೆಯುವ ಸಂಭವವಿದೆ. ಕೃಷಿ ಉಪಕರಣಗಳ ತಯಾರಕರಿಗೆ ಹಾಗೂ ಅದರ ಮಾರಾಟಗಾರರಿಗೆ ವಹಿವಾಟು ಹೆಚ್ಚಿ, ಅಧಿಕ ಲಾಭವಾಗಲಿದೆ. ಕೃಷಿಕ ಮಿತ್ರರು, ಬೇಸಾಯದಲ್ಲಿ ನವೀನ ರೀತಿಯನ್ನು ಅಳವಡಿಸಿಕೊಳ್ಳುವುದು ಉತ್ತಮ. ವಿದ್ಯಾರ್ಥಿಗಳು  ಉತ್ತಮ ಅವಕಾಶಗಳನ್ನು ಸ್ವಲ್ಪದರಲ್ಲಿಯೇ ತಪ್ಪಿಸಿಕೊಳ್ಳುವರು. ಹಾಗೆಂದ ಮಾತ್ರಕ್ಕೆ ಚಿಂತೆಬೇಡ. ಮಹಾಲಕ್ಷ್ಮಿಯನ್ನು ವಿಶೇಷವಾಗಿ ಆರಾಧಿಸಿದಲ್ಲಿ ಕಷ್ಟಗಳು ಕಳೆಯಲಿವೆ. ಗುರು -ಶುಕ್ರ -ಶನಿ -ಶುಭ ದಿನಗಳು. 


ಮಕರ (ಉತ್ತರಾಷಾಢ 2,3,4, ಶ್ರವಣ, ಧನಿಷ್ಠಾ 1,2)
(ಜೊ.ಜ.ಜಿ.ಜೆ.ಶಿ.ಶು.ಶೇ.ಶೋ.ಗ.ಗಿ)

ಸಣ್ಣ-ಪುಟ್ಟ ವಿಷಯಗಳಿಗೂ ಕೋಪಗೊಳ್ಳುವ ಅಥವಾ ರೇಗಾಡುವ ನಿಮ್ಮ ಈ ಸ್ವಭಾವ ಮನೆಯ ಸದಸ್ಯರಿಗೆ ಕಿರಿಕಿರಿಯನ್ನುಂಟು ಮಾಡಬಹುದು. ಇದರಿಂದ ಮನೆಯಲ್ಲಿ ಅಶಾಂತಿ ವಾತಾವರಣ ಉಂಟಾಗಲಿದೆ. ನೂತನ ವಿವಾಹಿತ ದಂಪತಿಗಳ ನಡುವೆ ಇದ್ದ ಅನುಮಾನ-ಮನಸ್ತಾಪಗಳು ದೂರವಾಗಿ ಸಾಮರಸ್ಯ ಮೂಡಲಿದೆ. ಜೊತೆಗೆ, ನಿರೀಕ್ಷಿತ ಶುಭ ಸಮಾಚಾರವೂ ಕೇಳಿ ಬರಲಿದೆ. ಭೂಮಿಗೆ ಸಂಬಂಧಿಸಿದ ವ್ಯವಹಾರದಲ್ಲಿ  ಸಾಕಷ್ಟು ಲಾಭ ದೊರೆಯಲಿದೆ. ಪರಿವಾರದೊಂದಿಗೆ ಪುಣ್ಯಕ್ಷೇತ್ರಗಳ ದರ್ಶನ ಮಾಡುವಿರಿ. ರೈತಾಪಿ ಜನರಿಗೆ ಸರ್ಕಾರದಿಂದ ಬರಬೇಕಾಗಿರುವ ಸೌಲಭ್ಯಗಳು ದೊರೆಯಲಿವೆ. ಸೋಮ – ಮಂಗಳ -ಶನಿ – ಶುಭ ದಿನಗಳು.


ಕುಂಭ (ಧನಿಷ್ಠಾ, ಶತಭಿಷಾ, ಪೂರ್ವಾಭಾದ್ರ 1,2,3)
(ಗು.ಗೆ.ಗೊ.ಸ.ಸಿ.ಸು.ಸೆ.ಸೋ.ದ)

ನಿಮಗೆ ಎಷ್ಟೇ ಆರ್ಥಿಕ ಬಿಕ್ಕಟ್ಟಿದ್ದರೂ ಕೂಡ, ದೈನಂದಿನ  ಜೀವನಕ್ಕೇನೂ ತೊಂದರೆಯಿಲ್ಲ. ಯಾರಾದರೂ ನಿಮ್ಮನ್ನು ತುಂಬಾ ಹೊಗಳಿದರೆ, ಅವರು ನಿಮ್ಮಿಂದ ಹಣ-ಕಾಸಿನ ನೆರವು ಕೋರಲು ಬಂದಿದ್ದಾರೆಂದೇ ಅರ್ಥ. ಹಿತಶತ್ರುಗಳ ವಿಚಾರದಲ್ಲಿ ಉದಾಸೀನತೆ ಸಲ್ಲದು. ಹೊಸಮನೆ ಕಟ್ಟುವ ವಿಚಾರವಿದ್ದಲ್ಲಿ ಈಗ ಪ್ರಯತ್ನಿಸಬಹುದು. ಲೆಕ್ಕಪರಿಶೋಧಕರಿಗೆ ಬಿಡುವಿಲ್ಲದ ಕೆಲಸ. ಹಳೇ ಮಿತ್ರರ ಭೇಟಿಯಿಂದ  ಮನಸ್ಸು ಸಂತಸಗೊಳ್ಳಲಿದೆ. ಅತಿಯಾದ ಮನರಂಜನೆ ಅಥವಾ ಅತಿ ಭೋಜನ ಕೂಡ ಆರೋಗ್ಯ ದೃಷ್ಟಿಯಿಂದ ಅಷ್ಟು ಒಳ್ಳೆಯದಲ್ಲ. ಖಾದ್ಯತೈಲ ವ್ಯಾಪಾರಿಗಳಿಗೆ ಹೆಚ್ಚಿನ ವಹಿವಾಟಿನಿಂದ ಲಾಭಾಧಿಕ್ಯವಾಗಲಿದೆ. ಬುಧ -ಶುಕ್ರ – ಶನಿ -ಶುಭ ದಿನಗಳು.


ಮೀನ (ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ)
(ದಿ.ದು.ಖ.ಝ.ಥ.ದೆ.ದೋ.ಖ.ಚ.ಚಿ.)

ಖಂಡಿತವಾದಿ ಲೋಕವಿರೋಧಿ ಎಂಬ ಗಾದೆ ಮಾತಿನಂತೆ, ಮತ್ಯಾರದೋ ಸತ್ಯವನ್ನು ಬಯಲು ಮಾಡಲು ಹೋಗಿ ನೀವು ವಿರೋಧ ಕಟ್ಟಿಕೊಳ್ಳಬೇಕಾಗುತ್ತದೆ. ವಿದ್ಯಾವಂತ ಮಹಿಳಾ ನಿರುದ್ಯೋಗಿಗಳಿಗೆ ಉತ್ತಮ ವೇತನದ ನೌಕರಿ ದೊರೆಯಲಿದೆ. ಆರ್ಥಿಕ ಸಬಲತೆ, ಅವರ ಆತ್ಮವಿಶ್ವಾಸವನ್ನು ಹೆಚ್ಚಿಸಲಿದೆ. ಚಿನಿವಾರ ಪೇಟೆಯಲ್ಲಿ ಹೆಚ್ಚಿನ ಚಟುವಟಿಕೆ ಕಂಡುಬರಲಿದೆ. ಸಿದ್ಧಪಡಿಸಿದ ಆಹಾರ ತಯಾರಕರಿಗೆ ಬೇಡಿಕೆ ಹೆಚ್ಚಲಿದೆ. ಕುಂಟುಂದ ಸದಸ್ಯರ ಬೆಂಬಲವಿಲ್ಲದೇ ಯಾವುದೇ ಹೊಸ ಕೆಲಸಗಳಿಗೆ ಕೈಹಾಕಬೇಡಿ. ಆದಾಯದ ಮೂಲದಲ್ಲಿ ಹೆಚ್ಚಳ ಕಂಡುಬರಲಿದ್ದು, ಉಳಿತಾಯದ ಬಗ್ಗೆ  ಯೋಚಿಸಬಹುದು. ಅಪರಿಚಿತರೊಂದಿಗೆ  ಹಣ-ಕಾಸಿನ ವ್ಯವಹಾರ ಖಂಡಿತಾ ಬೇಡ.  ಭಾನು -ಸೋಮ -ಗುರು -ಶುಭ ದಿನಗಳು.